Gikumpirmar ni Senate President Vicente Sotto III nga siya ug ang pipila sa iyang mga kaalyado sa Senado kay nababagan ang pagsulay sa pagpalagpot kaniya isip presidente sa Senado.
Matud niini nga siya uyon sa majority group aron babagan ang bisan unsang pagsulay sa kudeta sa Senado.
Ingon man nga wala na mohatag og dugang detalye si Sotto bahin niini.
Wala usab siya mohatag og bisan unsang rason nganong nagbag-o ang hunahuna sa mga nagplano og kudeta.
Mahinumduman nga misamot ang panagsulti atol sa sesyon sa Senado niadtong Miyerkules nga si Senador Loren Legarda ang mopuli kang Sotto isip Presidente sa Senado.
Diin si Legarda temporaryong milingkod sa pwesto ni Sotto, kinsa maoy nangulo sa sesyon.
Nakadawat kini og dugang atensyon sa dihang, sa wala pa matapos ang sesyon, gitawag ni Senador Migz Zubiri si Legarda nga “Madame President”.
Sa dihang mitungha si Zubiri sa prensa, iyang gipasabot nga si Legarda mahimong sunod nga Presidente sa Senado.
