LILOAN,CEBU- Mitumaw ang usa ka insidente sa sunog sulod sa bodegea sa usa ka junkshop sa Purok Starfish 2, Barangay Catarman sa lungsod sa Liloan sa amihanang Sugbo kagahapon sa hapon, adlawng Dominggo, Marso 8, 2026.
Nagsugod ang kalayo sa maong sunog pag ala 1:45 sa hapon nga daling girespondehan sa Bureau of Fire Protection – Liloan Fire Station ug sa mga volunteer fire brigades.
Sumala pa nga daling midako ang sunog mugna sa kusog nga labyog sa hangin ug sa mga flammable materials nga anaa sa dapit hinungan nga giisa ang 2nd alarm status pag pasado alas 2 sa hapon.
Sa pakighinabi sa Bombo Radyo Cebu News Team kang Fe Rautraut, usa sa mga empleyado sa maong junkshop nga matod pa nagsugod ang sunog sa ilawm nga bahin sa ilang bodega samtang sila adunay gitrabaho.
Pagkamatikod nilang adunay kalayo kay gisuwayan pa kini nila og pawng apan tungod sa kadali sa panghitabo kay nidilaab na kini sa mas dakong sunog nga nakapa-aghat sa ilang pagtawag na sa mga bumbero.
Gikatahong gipanag-iya sa usa ka Teresa Pitogo ang maong junkshop kun diin nahitabo ang sunog.
Sa pakighinabi niini sa Bombo Radyo Cebu News Team nga ang ilang suliran niadtong higayona sa nagdilaab nilang junkshop kay ang pagbalidad sa usa ka pribadong subdivision makasulog ang mga fire trucks sa BFP aron unta muabag sa pagpalong sa sunog sa kadako pa niini.
Sigon pa ni Pitogo nga ang mitugot na ang gwardya sa subdivision makasulod ang mga fire trucks sa dihang niputi na ang aso sa sungo nga nagpasabot nga nakontrolar na kini.
Maayo nalang og walay natalang naangol sa maong insidente diin sa pagkakaron padayon pa ang imbestigasyon nga gilusad sa Liloan Fire Station sa pagsuta sa hinungdan sa sunog og sa danyos nga natala niini.
