Gi-subpoena sa House Committee on Justice si National Bureau of Investigation (NBI) Director Atty. Melvin Matibag kalabot sa imbestigasyon sa giingong mga hulga ni Vice President Sara Duterte batok kang President Ferdinand R. Marcos Jr., First Lady Liza Araneta-Marcos, ug kanhi House Speaker Martin Romualdez.
Base sa mando sa komite, nangayo sila og mga sertipikadong kopya sa mga rekord, dokumento, ug mga litrato nga natipon sa NBI kalabot sa maong imbestigasyon.
Tumong sa Justice Committee nga mahibal-an ang mga resulta ug ebidensya sa imbestigasyon sa NBI aron masusi kung ang mga alegasyon igo ba nga napamatud-an.
Kini nga lakang kabahin sa nagpadayon nga impeachment proceedings batok sa Bise Presidente, diin ang House nagtino kung adunay igo nga basehan aron madala ang kaso sa plenaryo ug sa ulahi sa Senado alang sa mas taas nga deliberasyon.
Kagahapon, gibalibaran sa Korte Suprema ang hangyo alang sa TRO sa kampo ni VP Duterte bahin sa impeachment proceedings sa House.
Kini nagpasabot nga walay babag sa pagpadayon sa hearing sa sunod semana.
