CEBU CITY- Gibutyag ni Engr. Vicente Richards Aprentado, ang usa sa mga ranked 6 sa bag-o lang gipagawas nga March 2026 Civil Engineers Licensure Examination, nga ang iyang damgo nga mahimong Engineer, nagsugod niadtong anaa pa kini sa Highschool, diin iyang gibutyag ang iyang pagka-consistency sa bata pa.
Matud niini nga usa sa iyang mga motibasyon mao ang paghagit sa iyang kaugalingon nga makaya niini ang tanang hagit hilabi na sa natad edukasyon, diin bout niini nga mapatud-an sa iyang kaugalingon nga makakab-ot og mapakapasar sa natad nga iyang gipili.
Sigon ni Aprentado, nga dugay na niyang gipreparahan ang board exam sukad pa niadtong kolehiyo pa kini diin iyang gisaysay nga mahiligon siyang magbasa og mga “preparatory books” alang sa board exam, subay usab niini nga usa sa iyang mga paagi aron makab-ot og mahimong ranked 6 sa Civil Engineering Licensure Examination mao ang paglikay sa mga distructions sa iyang pagtoun ug makanunayong pagtambong sa iyang mga reviews.
Gihimug-atan niini nga pipila sa mga butang nga iyang gibuhian aron makatutok siya sa iyang mga pagtoun mao ang iyang pagkamahiligon sa online games, og ang iyang social life diin usa sa iyang mga paagi mao ang paglikay niini.
Plano ni Aprentado, nga palapdan ang kahanas pinaagi sa pagtrabaho sa field diin iyang gikuhaan og inspirasyon ang iyang mitaliwan na nga amahan niadtong 2014, diin usa usab ka Civil Engineering, lakip usab sa iyang gipanglantawan mao ang mahimong magtutudlo sa natad sa Engineering aron makahatag og inspirasyon sa susamang mga tinun-an nga magmalampuson.
Samtang, gibutyag niini nga pilion una niyang mo gahin og oras og magtrabaho sa Pilipinas aron mas mapalapdan pa ang iyang kahanas isip Engineer.
Mensahi usab ni Aprentado, sa mga tinun-an nga nangandoy usab nga mamahimong Engineer nga dili isipon nga sayang ang tanan nga paningkamot, inay hatagan og pagtagad og pagdisiplina ang kaugalingon aron makab-ot ang mga pangandoy.
