Walay kahadlok nga gipaambit ni Senador Rodante Marcoleta nga andam siya nga mapriso o dakpon kon ugaling gikinahanglan tungod sa iyang giatubang nga legal nga proseso.
Sa iyang mismong giluwatang pamahayag, gipasiugda sa senador nga “wala’y problema” kaniya ug andam niyang dawaton ang bisan unsang lakang kung ugaling ipatuman ang pag-padakop batok kaniya.
Kini nga reaksyon ni Marcoleta migawas human gianunsyo sa Office of the Ombudsman ang pagpasaka og kasong plunder nga may kalambigitan sa giingong pagdawat og P75 milyones nga donasyon sa dihang siya usa pa ka kongresista.
Apan, kusganong gihimakak sa senador ang sayop nga buhat ug gilambigit ang kaso sa iyang mga paningkamot nga ibutyag ang giingong mga anomaliya sa mga proyekto sa flood control sa gobyerno.
