Gipasiugda sa Department of Justice (DOJ) nga walay legal nga babag sa pagsang-at og kaso batok kang Vice President Sara Duterte bisan pa nga usa siya ka impeachable officer.
Sumala ni Prosecutor General Richard Anthony Fadullon, lahi ang proseso sa korte sa nagpadayon nga impeachment proceedings sa Senado.
Bag-ohay lang gisang-at sa DOJ ang grave threats case batok kang Duterte may kalabotan sa iyang mga hulga batok kang Presidente Ferdinand Marcos Jr., First Lady Liza Araneta-Marcos ug kanhi House Speaker Martin Romualdez.
Samtang, gibasura sa DOJ ang inciting to sedition complaint batok sa bise presidente, nga giingong gibase sa ebidensya.
Gilauman usab nga mosumite ang DOJ og komento sa motion to quash nga gisang-at sa kampo ni Duterte aron ibasura ang grave threats case.
