Gipalugwayan sa Cebu Provincial Government ang pagdili sa mga buhing baboy, karne sa baboy, ug mga produkto sa baboy gikan sa mga lugar nga naapektuhan sa African swine fever (ASF) sulod sa laing 45 ka adlaw, labi na kadtong gikan sa Negros Island, diin padayon nga misaka ang mga kaso niini.
Gipirmahan ni Cebu Governor Pamela Baricuatro ang Executive Order (EO) 44 niadtong Huwebes, Agosto 20, 2026, nga nagpalugway sa pagdili nga unang gipahamtang ubos sa EO 39, tungod kay ang naunang 45 ka adlaw nga pagdili natapos niadtong Biyernes, Agosto 21.
Diin ang EO 44 naglangkob gihapon sa mga komersyal ug personal nga kargamento sa mga buhing baboy, fresh o frozen nga baboy, ug mga processed pork products gikan sa Negros Island ug uban pang mga lugar nga naapektuhan sa ASF.
Nag-ingun ang maong bag-ong mando nag-ingon nga ang proximity sa Negros Island sa Cebu ug ang regular nga paglihok sa mga tawo ug mga produkto nanginahanglan og mas hugot nga pagbantay sa tanang pantalan ug mga points of entry.
Sa maong restriction gituyo kini aron makunhuran ang risgo sa ASF nga makaabot sa Cebu, diin ang usa ka outbreak mahimong makaapekto sa mga farm sa baboy, makabalda sa suplay sa baboy, ug makadaot sa industriya sa baboy sa probinsya.
