Dili mominos 157 ka mga tawo ang kumpirmadong namatay sa Nepal, ug ang kinatibuk-ang ihap sa mga namatay sa tibuok rehiyon sa utlanan sa Nepal ug Tibet miabot na sa labing menos 160 human sa grabeng pagbaha niadtong Agosto 26, 2026.
Gatusan ka mga indibidwal, lakip ang mga lokal nga residente ug kapin sa 290 ka mga langyaw nga turista, ang wala pa mailhi samtang nagpadayon ang grabe nga mga operasyon sa pagpangita ug pagluwas.
Diin ang landslide nakababag sa pag-agi sa tubig sa Bhote Koshi River duol sa utlanan sa Tibet, hinungdan sa pag-awas niini ug dali nga mibanlas sa mga komunidad.
Padayon ang pagpahigayon sa Nepal Army og halapad nga mga operasyon sa search and rescue uban sa pakigtambayayong sa mga emergency response team gamit ang mga helikopter ug espesyal nga kagamitan.
Subay niini, nagpaabot sa iyang dakong kasubo si Nepal President Ram Chandra Paudel sa pagkawala sa mga kinabuhi ug kabtangan nga gipahinabo sa kalit nga pagbaha sa Bhote Koshi River sa Rasuwa ug Nuwakot.
Samtang, nanawagan usab siya alang sa dinaliang mga rescue ug relief efforts human sa insidente.
