Giangkon ni Cebu City Mayor Nestor Archival niadtong Lunes nga aduna siyang propedad sa kontrobersyal nga Monterrazas de Cebu, apan gipanalipdan niini ang iyang desisyon nga dili mopagawas og cease-and-desist order (CDO) batok sa maong nga kalamboan.
Matud ni Archival, walay mga taho gikan sa mga ahensya sa kagamhanan ug mga akademikong institusyon nga nagpakita nga ang Monterrazas ang “pangunang hinungdan” sa mga pagbaha sa ubos nga bahin sa dakbayan.
Naggikan ang pamahayag sa mayor human sa pagpasaka og reklamo sa kanhi opisyal sa gobyerno nga si Ed Karlon Rama ngadto sa Office of the Ombudsman batok kaniya.
Gialegar ni Rama nga ang mayor nakalapas sa Anti-Graft and Corrupt Practices Act ug uban pang mga balaod administratibo pinaagi sa pagdumala sa isyu sa Monterrazas samtang siya adunay personal nga interes.
Gipasabut ni Archival nga hinay-hinay niyang napalit ang 713-square-meter nga lote sugod niadtong 2016 ug nakumpleto ang pag-angkon niini niadtong 2022, diin iyaha usab nga giangkaon nga nalakip kini sa iyahang 2025 Statement of Assets, Liabilities and Net Worth (SALN).
Bisan pa sa panawagan ni Vice Mayor Tomas Osmeña ug sa pipila ka miyembro sa City Council nga pasirad-an ang maong proyekto, lig-on ang baroganan sa mayor nga dili mopagawas og CDO.
Gipasabot ni Archival nga nagsubay siya sa mga pagtuon gikan sa Department of Environment and Natural Resources (DENR), University of the Philippines (UP), ug sa Technical Infrastructure Committee nga nag-ingon nga dili ang Monterrazas ang nag-unang hinungdan sa pagbaha sa Sugbo.
Gihisgotan sa mayor ang mga daang kalamboan sa ubos nga bahin sa hustong mga pasilidad sa pag-agas sa tubig isip tinuod nga hinungdan sa baha.
Niadtong Agosto 19, gihawid ni Ed Rama ang iyang complaint-affidavit sa Ombudsman Visayas sa Cebu City, diin gipasangil ni Rama nga ang pagpanag-iya ni Archival ug sa iyang asawa sa Lot 6, Block 5 sa Monterrazas naggama og conflict of interest sa iyang katungdanan isip mayor sa Sugbo.
Giakusahan ni Rama ang mayor sa paglapas sa Section 3 (e) ug 3 (h) sa Republic Act No. 3019 (Anti-Graft and Corrupt Practices Act) ug sa mga probisyon sa Republic Act No. 6713 (Code of Conduct and Ethical Standards for Public Officials and Employees), tungod sa wala pag-atras sa deliberasyon bahin sa Monterrazas.
