Pormal nga gihangyo sa prosekusyon sa International Criminal Court (ICC) ang pagsumite sa sinulat nga testimonya ug mga eksibit sa importanteng saksi sa P-1100 sa kaso batok kang kanhi Presidente Rodrigo Duterte.
Sumala ni Acting Prosecutor Mame Mandiaye Niang, makatabang ang paggamit sa mga naunang narekord nga pahayag aron mapamubo ang live examination sa saksi gikan sa pito ka oras ngadto sa duha ka oras.
Giingon usab sa prosekusyon nga gikonsiderar niini ang kasamtangang kahimtang sa panglawas ni Duterte.
Giinsistir sa prosekusyon nga may kalabutan, kasaligan ug hinungdanon alang sa husay sa kaso ang testimonya ni P-1100, lakip ang mga detalye bahin sa giingong pamaagi sa operasyon sa Davao Death Squad.
Naglangkob usab ang testimonya sa mga detalye bahin sa giingong indibidwal nga kriminal nga responsibilidad ni Duterte sa mga alegasyon batok kaniya.
