Personal nga nagtudlo ug nagbansay ang NBA star nga si Dwyane Wade sa pipila ka mga Pilipinong basketball players sa Taguig City, Philippines.
Anaa sa Manila ang 3-time NBA champion alang sa mga kalihokan sa brand ug aron ipakita ang iyang signature shoes.
Miapil usab ang kanhi NBA star sa mga interactive nga kalihokan uban sa mga fans nga gitambungan sa gatosan ka mga Pilipinong tagasuporta.
Giubanan si Wade sa iladong basketball trainer nga si Chris Johnson sa pagtudlo sa mga pinili nga kampiyon sa Palarong Pambansa (National Games), kinsa gilaumang moapil sa nagkalain-laing basketball teams sa Pilipinas o sa ubang mga liga.
Nakakuha og higayon ang mga batan-ong players nga makadawat og direktang pagtudlo ug pagbansay gikan kang Wade, samtang gipakita usab sa NBA champion ang iyang mga kahanas sa korte.
Sa usa ka interbyu human sa kalihokan, miingon si Wade nga dugay na siyang gustong makigkita sa iyang mga fans sa Pilipinas. Namatikdan niya nga nasayod siya pag-ayo bahin sa iyang mga tagasuporta sa nasod, ilabi na sa panahon nga nagdula pa siya sa NBA.
Dugang pa ni Wade nga personal siyang mihangyo nga mobisita sa Pilipinas aron makig-uban ug mogahin og panahon uban sa iyang mga fans dinhi.
Si Wade usa ka 13-time All-Star nga nakadaog og tulo ka championship rings atol sa iyang 16 ka mga season sa liga.
