Magpadala ang United Kingdom (UK) og mga fighter jet aron motabang sa pagpanalipod sa Saudi Arabia batok sa mga pag-atake sa mga Houthi rebels sa Yemen.
Sumala sa UK Ministry of Defence, ang mga Typhoon fighter jet sa Royal Air Force (RAF) mopahigayon og mga defensive counter-air mission aron mapalig-on ang depensa sa Saudi Arabia.
Kining mga fighter jet adunay kapasidad sa pag-intercept sa mga missile ug drone nga posibleng ipunting ngadto sa nasud.
Sa miaging mga bulan, gikataho nga gipakusog sa mga Houthi ang ilang mga pag-atake batok sa Saudi Arabia pinaagi sa paggamit sa mga ballistic missile ug drone.
Lakip sa mga target sa mga Houthi, nga gisuportahan sa Iran, ang mga estratehikong imprastraktura sama sa mga pasilidad sa lana ug mga tugpahanan.
Sa pagkakaron, naghatag na ang UK og suporta sa air-to-air refueling sa Saudi Arabia.
Nagpadala usab kini og mga air-to-air refueling support ug nagpakatap usab og mga air defense equipment ingon man British personnel aron motabang sa pagpanalipod sa Gingharian sa Saudi Arabia.
