KATSEYE, magpahigayon og konsyerto sa Manila ug Cebu karong 2027

Malipayong gipahibalo sa girl group nga KATSEYE nga magpahigayon sila og mga konsyerto dinhi sa nasud.

Gipadayag sa grupo nga ang ilang “The WildWorld Tour” mohunong sa Manila karong Enero 29, 2027, ug sa Cebu karong Pebrero 7, 2027.

Ang pre-sale sa mga tiket gipahigayon gikan sa Oktubre 29 hangtod sa Nobyembre 1, samtang ang kinatibuk-ang pagbaligya sa mga tiket gikatakda karong Nobyembre 13.

Kini ang ikaduhang pagbisita sa grupo sa nasud, human sa ilang unang pagbisita niadtong 2024.

Apil sa grupo alang niining mga pasundayag ang miyembro nga si Sophia, kinsa mikuha og pahulay sa miaging pipila ka bulan aron unahon ang iyang mental health.