Gimandoan ni Hon. Erico “Aris” Aumentado, ang Bohol Governor nga tutukan sa bag-ong hepe sa Bohol Police Provincial Office ang illegal drugs ug child pornography.
Atol sa turn-over of command gikan sa naretiro nga si PCol. Arnel Banzon ngadto kang PCol. Patricio Degay Jr., diin una na niini nga gibutyag nga iyang sundon ang 7-point operational strategy ni Chief PNP Nartatez ug sa mantra ni PRO-7 Regional Director Maranan.
Gawas sa mainitong pagdawat kay giduyugan niini og pagtumbok sa pagpadayon sa pakigbatok sa kampaya sa illegal nga droga ug pagmintenar sa kahapsay ug kalinaw sa Probinsya.
Nagpasalamat si Degay sa pagsalig ni Aumentado sa iyang katakus samtang ang gobernador nitug-an nga iyang personal nga gilihok ang assignment ni Degay dinhi sa lalawigan.
Matud ni Aumentado nga aduna nay kasinatian si Degay sa Bohol diin nahimo kini nga chief of police (COP) sa Tagbilaran City, ang ulohan ug bugtong dakbayan sa Bohol hinungdan nga dili na kini maglisod sa iyang mga himuon nga plano.
