CEBU – Nahulpa ang usa ka underconstruction nga edipisyo nga nahimutang sa Barangay Maguikay, syudad sa Mandaue, kaganihang alas 10 sa buntag.
Gisaysay ni Anjo Pepito, security guard sa maong area, nga kalit nga mihulpa ang maong building, ug maayo na lang nga walay mga trabahador niadtong higayona.
Matud pa, na-atol nga wala una nagpadayon sa pagtrabaho ang mga construction worker gumikan usab sa walay hunong nga pag-uwan.
Gituohan sa maong gwardya nga gumikan sa walay hunong nga pag-uwan-uwan, hinungdan nga mi-collapse ang maong building.
Hinuon, wala may natala nga samdan o namatay sa maong insidente.
Sa pagkakarun, wala pa’y pamahayag nga giluwatan ang tag-iya sa naasoy nga building, ingon man ang habig usab sa Mandaue City Disaster Risk Reduction Management Office.
