Mangita og laing financer ang kagamhanan sa dakbayan sa Sugbo, kon ugaling bawion sa World Bank ang paghatag og pundo niini sa Cebu Bus Rapid Transit, kini gumikan sa mga kapakyasan nga nabatyagan sa World Bank sa maong proyekto.
Kini ang gibutyag ni Cebu City Mayor Nestor Archival, human sa pagpakighinabi sa Bombo Radyo Cebu News Team, nga pangitaan og paagi sa kagamhanan sa dakbayan ang pagpangita og mo pundo sa maong proyekto kon ugaling moatras ang World Bank niini.
Matud ni Archival, nga wala silay mabuhat og ugaling moatras ang World Bank sa pagpundo niini gumikan kay adunay mga kapakyasan usab nga nakita niini sama sa kalangay sa pagpatukood sa CBRT nga hangtud karon wala gihapon mahuman ang Phase 2 ug Phase 3 sulod sa 14 katuig.
Apan sigon sa opisyal, nga misaad ang World Bank nga tabangan ang dakbayan sa pagpangita og mga mo pundo aron mapadayon ang pagpatukod sa CBRT.
Samtang sa pikas bahin, paningkamotan usab sa kagamhanan nga mapa-dry run og mapasugdan na ang operasyon sa Phase 1 sa CBRT
