CEBU CITY – Dili pa makabutyag ang kapulisan kung politika, personal o unsa man ang motibo sa pagpusil patay sa magti-ayong Baringui-an sa lungsod sa San Fernando.
Gitino ni CPPO Director Police Colonel Engelbert Soriano, nga ‘exploratory’ pa ang ilahang imbestigasyon hinungdan nga dili pa sila makatumbok ug usa lang ka motibo sa maong krimen.
Matud pa, normal nga musulod ang isyu sa politika ilabi na ug election period na sa Pilipinas, apan giingong wala nila gi-‘discount’ ang uban pang motibo.
Gibutyag ni Col. Soriano nga aduna na sila’y nakuha nga mga impormasyon gikan sa pamilya sa mga biktima apan dili pa kini nila karun mapublikar.
Sa pagkakarun, kauban nila sa imbestigasyon ang Provincial Intelligence Branch (PIB), ingon man ang Deputy Provincial Director for Operations kinsang mi-alalay karun sa hepe sa San Fernando PNP.
Gisiguro sa police official nga dili sila ma-satisfy sa ilahang trabaho kung dili kini nila masulbad ang maong krimen.
Mayor sa lungsod sa San Fernando mopahigayon og caravan for peace; dili politika ang rason sa kamatayon sa magtiayon
Sa pikas bahin, gibutyag ni San Fernando Mayor Lakambini Neneth Reluya nga dili politika ang hinungdan sa kamatayon sa magtiayong Baruingui-an.
Kahinumduman, nga gipamusil patay sila si Ma. Louela Dela Cerna Baringui-an, 45 anyos, ug bana nga si Pedro Parba Baringui-an, nagpuyo sa Sityo Tapok- Tapok, Brgy. Panadtaran, San Fernando sa alas 8:55 Dominggo sa gabii, Febrero 13.
Kini ang nahimong pagtino ni Mayor Reluya gumikan nidagan ang usa sa mga biktima sa pagka-Konsehal sa maong lungsod alang sa 2022 election, ubos sa iyahang partido.
Tino pa ni Reluya, nga maayo nga tawo si Konsehal Malou ug dili kini politika gumikan pamilya na ng giguba.
Gibutyag usab sa mayor nga nihangyo pa ang mga biktima nga mogakos ilahang anak.
Ni-awhag usab kini sa mga residente sa San Fernando sa pagkuyog kaniya alang sa Caravan for peace aron di na subling mausab ang maong trahedya.
Nilaum kini nga magtinabangay ang tanan aron dili na kini subli nga mahitabo.// BJR
