Gidagsa si Eman Bacosa Pacquiao sa mga nagdayeg nga fans atol sa opisyal nga weigh-in “Kumong Bol-anon 24” sa Tagbilaran City ug dayon sa katapusang press conference sa kalihokan sa Bohol Provincial Capitol.
Giabi-abi ug giabibahan ang anak sa legendary nga si Manny Pacquiao paingon sa ring hangtod sa katapusan sa mubo nga duwa.
Mas nahugyaw pa ang mga tumatan-aw sa dihang miabot si Jillian Ward sa ringside aron suportahan ang promising lightweight contender sa iyang walo ka hugna nga away batok kang Reynold Kundimang sa Indonesia.
Uban sa inspirasyon ug kadasig, ang 22-anyos nga si Eman wala magpakaulaw sa mga misuporta kaniya gumikan iyang gilupig ang Indon visitor sa lima ka higayon paingon sa ikaupat nga hugna nga technical knockout (TKO) nga kadaugan.
Human sa duwa, nipadayag og pasalamat si Eman sa makakagahom sa tanan ug sa iyang mga supporters lakip usab ang pag-abot ni Jillian nga iyang giangkon nga usa sa mga inspirasyon sa batan-on.
