Padayon gipasiugda ni Senate Committee on Basic Education Chairman Senador Sherwin Gatchalian ang Revised Magna Carta for Public School Teachers o Senate Bill No. 2493 aron sa pagpalambo sa kaayohan sa mga magtutudlo.
Mao kini ang pamahayag ni Gatchalian dungan sa pagsaulog sa Labor Day.
Diin ang katuyoan sa maong balaudnon mao ang pag-amendar sa Magna Carta for Public School Teachers o Republic Act No. 4670 aron ma-institutionalize ang mga benepisyo sama sa calamity pay, educational allowances, ug longevity pay.
Tumong usab sa balaudnon nga makabaton og mas maayong criteria kon suholan ang hisgutan; pagpanalipod sa mga magtutudlo gikan sa gawas sa bulsa nga gasto; ug pagsiguro nga ang mga sweldo, benepisyo, ug kondisyon sa pagtrabaho sa mga magtutudlo sa probationary mahisama o dili layo sa mga magtutudlo sa lebel sa pagsulod.
Magdili usab ang balaudnon sa mga magtutudlo sa paghimo sa mga buluhaton nga dili pagtudlo, ingon man nga tumong usab niini kay ang pagkunhod sa oras sa pagtudlo.
