Bout sundon sa Kagamhanan sa Dakbayan sa Mandaue, ang gihimo nga lakang sa Lungsod sa Naga maylabot na sa Integrated Waste Management Facility niini aron masulbad ang problema sa basura sa Dakbayan.
Matud ni Mandaue City Mayor Thadeo “Jonkie” Ouano, nga mamahimo kining buhaton sa Dakbayan apan giklaro nga dili dayun kini mabuhat gumikan kay taas pa nga proseso ang latason nga mo lungtad pa og pipila ka tuig.
Gikahibulongan usab sa Mayor kon nganung wala kini ma sunod sa uban hilabi na sa mga nagkadaiyang Local Government Units sa nasud diin matud pa nga ang Naga lang ang adunay susamang proyekto nga namugna sa intiro nasud.
Gihimug-atan usab ni Ouano, nga dili kini diha dayun mabuhat gumikan sa kataas sa proseso apan gipaningkamotan sa Kagamhanan nga makapangita og mas dali nga paagi aron masulbad ang hagit sa Dakbayan sa sulod lamang sa pipila ka katuigan.
Nagpasalamat usab ang Mayorl sa konseho sa Dakbayan sa Mandaue, sa pagpasar sa giduso nga resolusyon maylabot na sa Memorandum of Agreement tali sa Infinite og Kagamhanan sa Dakbayan sa pagkolekta og paglabay sa basura niini ngadto na sa mismong kompanya.
Sa bahin usab sa hisgutanan sa pagbalibad sa Minglanilla sa pagdawat sa mga basura sa Dakbayan sa Mandaue og Dakbayan sa Sugbo gibutyag niini nga nakasabot ra sila sa bahin kagamhanan sa Minglanilla, hinungdan nga gisusi niini ang tanang paagi aro masulbad ang problema sa basura.
