Miabot na sa nasud ang 61 ka mga na-stranded nga Overseas Filipino Workers (OFWs) gikan sa Dubai, United Arab Emirates gahapong adlawa sa Ninoy Aquino International Airport (NAIA) Terminal 3, sumala sa Department of Migrant Workers.
Sumala sa DMW, ang mga gipauli nga OFW sakay sa Emirates flight EK334 ug la kip sa mga miabot ang tulo ka menor de edad.
Dali usab nga gihatagan ang mga gipauli og pinansyal nga tabang ug transportasyon aron makabalik sa ilang tagsatagsa ka probinsya.
Gikataho nga ang gobyerno naghatag usab og temporaryong kapuy-an, ingon man psychosocial ug medical assistance alang kanil.
Samtang, niadtong Sabado, 81 ka stranded nga OFWs gikan sa Middle East ang miabot usab sa nasud taliwala sa nagpadayon nga tensyon sa rehiyon.
Sa pagkakaron, padayon gihapon ang pakig-alayon sa gobyerno sa mga Pilipino nga napiit sa panagbangi sa Middle East aron masiguro ang ilang kaluwasan ug matabangan ang mga nagtinguha nga makauli sa nasud.
