CEBU CITY- Gidakop ang usa ka sakop sa LGBTQ+ community human giingong sekswal nga pag-abuso sa tres anyos nga batang babaye niadtong Sabado, Pebrero 15, 2025.
Kini human nga ang 27-anyos nga lakin-on positibo nga gitudlo sa usa ka 3-anyos nga batang babaye kay giingong gihilabtan siya niini.
Ang suspetsado taga-Barangay Buhisan ning siyudad sa Sugbo.
Sigon sa amahan sa biktima nga niadtong Sabado, Pebrero 15, sa alas 7:00 sa gabii iyang nabantayan nga ang iyang 3-anyos nga anak nga babaye nga wala mahimutang.
Sa dihang gipangutana kini niya, mitug-an ang bata nga gimolestiya siya sa maong tomboy.
Human mabati ang pamahayag sa bata daling mi-report ang amahan sa barangay ug gidakop usab dayon ang suspetsado ug gidala sa Labangon Police Station.
Kasong ‘statutory rape’ ang giandam nga kaso sa Labangon Police Station batok sa tomboy.
Sa dihang gikwa-an ug habig ang naasoy nga suspetsado, hugot niini nga gilimod ang mao nga alegasyon.
