Giawhag ni Cebu City Councilor Dave Tumulak ang katawhan nga dili mag-post sa social media kun wala sila sa ilang tagsa-tagsa ka panimalay susama nalang kun nibakasyon kini o niuli sa tagsa-tagsa nga probinsya.
Kini gumikan delikado na ang panahon karon kay adunay mga kawatan nga anha na mag-monitor sa social media kun asa ang tagbalay.
Matod pa ni Tumulak kun ugaling nag bakasyon man gani, mamahimo nga adto na mag-post ug nauli na sa panimalay.
Mipahinomdom usab si Tumulak nga kanunay magbinantayon sa kaugalingon.
Sa panahon nga muadto ug simbahan o mo-attend sa mesa de gallo, isirado gayud ang panimalay, pasigaan lang ang suga para ingnon nga adunay tao sa sulod nga bahin, pang-ibton ang mga kurente nga wala gigamit ingon man di magda ug mga mahalong alahas.
Kun ugaling usab nga naglain ang lawas, mamahimo nga di nalang motambong sa mesa ug motan-aw nalang sa facebook live sa gipahigayon nga mesa. (Lahvi Quiñones)
