MANDAUE CITY,CEBU- Niduso ang lokal nga kagamhanan sa dakbayan sa Mandaue sa pagpatuman sa 3-ka oras nga libre nga parking alang sa mga Persons with Disability.
Kini subay gipahigayung public hearing nga gitambongan usab sa mga nagkadaiyang tag-iya sa mga dagkong istablisyeminto alang sa paghatag og pagtagad sa kamahinungdanon sa tanang mga PWDs sa dakbayan.
Mibutyag usab si Mandaue City Councilor Carlo Fortuna, ang author sa maong balaudnon nga aduna nay balaudnon nga giduso ngadto sa kaulohan, ug kun ugaling mapasar kini awtumatiko silang mo sunod niini.
Samtang sa pikas bahin, positibo usab ang mga nanag-iya sa mga istablisyimento nga matud pa suportado nila ang maong ordinansa alang sa mga PWD.
Dugang usab ni Fortuna nga kinahanglang mahimutang sa doul nga bahin ang mga parking spaces sa mga PWDs aron dili sila maglisod pa. | Bombo Nathaniel Sandoval
