MANDAUE CITY, CEBU-Gimanduan ni Mandaue City Mayor Jonas Cortes ang kapulisan sa iyang dakbayan sa istriktong pagpatumam sa pagpakatap ug mga personahe sa pulis sa mga dagkong kadalanan, kini subay sa nahitabong pagpanulis sa duha ka jewelry shop sa Ermita sa dakbayan sa Sugbo.
Matod pa sa Mayor nga ang presensya sa mga pulis maoy epektibong paagi arun managana ang mga tulisan sa paghimo og krimen.
Giawhag usab ni Cortes ang mga tag-iya ug patigayon nga gawas sa pagbutang og CCTV cameras sa ilang establisyimento kay magbutang pud ug dugang oang security features aron masulbad ang mga manglabay nga krimen.
Kahinumduman nga duha ka jewelry stores sa Barangay Ermita, ning dakbayan sa Sugbo ang gitulis og ingon man anaa sa P14-milyones ang balor sa mga alahas nga nadala sa mga tulisan ato sa inisyal nga imbestigasyon.
