Naka-standby na ang mga ekipo sa mga pang-rescue sa Cebu City Police Office isip pagpangandam sa pag-igo sa Bagyong Tino.
Kini ang gipaambit ni PCapt. Charisma Gonzales, ang tigpamaba sa CCPO nga padayon ang ilang heightened alert status gikan sa pag-deploy sa mga sakop sa kapulisan sa nagkandaiyang mga sam-ang paingon na ngadto sa mga lugar nga giila nga mga flood prone areas, high-risk ug danger zone nga maoy gitutukan sa pagbutang og augmentation.
Dugang niini, nga anaa na sa kampo ang mga kapulisan nga unang gikatakdang i-pull out sa hapon apan tungod sa hulga sa bagyo, gipasayo kini og pabalik aron maka-abag dayon kung gikinahanglan.
Gipahibalo usab ni Gonzales nga andam ang mga sakyanan sa kapulisan nga gamiton sa pagpabakwit sa mga natanggong ug uban pa.
Subay niini, giawhag sa opisysal ang paggamit sa unified 911 gumikan aktibo kini ug mamahimong manawag ang mga Sugboanon sa numero aron mahatagan dayon og hinanaling tabang .
