Mipahimangno sa publiko ang buhatan sa Securities and Exchange Commission (SEC) Cebu Extension Office kabahin sa mga minaro nga nga taktika nga ginagamit sa mga online scams.
Sumala pa ni SEC Cebu Counsel 1 Atty. Sambrina Vel Nazario nga giawhag niini ang tanan nga i-verify ang mga lending ug investment offers diin pipila niini kay mga online scams nga nagtarget sa mga mamumuo ug mga loan borrowers sa rehiyon.
Gani dugang pa nga ang maong mga illegal schemes kay naggamit og high-pressure tactics aron mandani og mga indibidwal sa ilang mga financial traps.
Matod pa niini nga ang mga scammer karon kay “convincing” na sa ilang pakighinabi gamit ang mga nagkadaiyang kahimanan aron i-pressure ilang mga target sa mga kunuhay investment scams nga adunay pasalig sa 50% – 100% pa nga profit.
Kadaghanan sa ing-ani nga mga scam kay naglihok sa social media platform nga Facebook aron imbitaran ilang mga biktiam sa mga private groups sa Messenger, Telegram, Viber, o WhatsApp diin wala kiniy mga physical offices.
Usa sa mga daling timailhan niining mga makaiilad nga scam kay ang mantra nga “too good to be true” kay kadaghanan kun dili tanan kay mga scam kini.
Gani walay garantiya nga mauli pa imong kwarta kung maabot na kini sa mga kamot sa mga mangingilad.
Mensahe niini sa publiko ilabi na sa mga indibidwal nga nangita og paagi sa pagtubo sa ilang kwarta kay likayan ang mga makadudahang pangdani sa mga scammer aron malikayan ang pagmahay-mahay.
