CEBU CITY-Nasikop na usab ang suspek sa pagpatay sa 19-anyos nga si Rhea Mae Tocmo tungod sa giingong pagtulis sa usa ka babaye sa dakbayan sa Toledo niadtong Hunyo 2023 sa P150,000 nga cash ug P180,000 nga alahas.
Apan hugot nga gilimod ang pasangil nga tulis ni Simeon Gabutero alyas Gabro, 22, lumad nga taga Barangay Sagay, dakbayan sa Toledo, kinsa gitanggong karon sa Labangon Police Station 10.
Ang hepe sa Toledo City Police Station nga si Lieutenant Colonel Manolo Salvatierra ug iyang mga tawo ni-serve sa warrant of arrest batok kang Gabutero sa iyang detention cell sa Labangon sa Huwebes, Agosto 31, 2023.
Sulod sa warrant of arrest nga adunay piyansa nga P200,000 giisyu ni Judge Ruben Fermin Altubar sa Regional Trial Court branch 29 sa Toledo City niadtong Agosto 30, 2023.
