Nanawagan ang mga lokal nga opisyal sa mga kompanya sa business process outsourcing (BPO) nga tugotan ang mga empleyado nga mag-work from home gumikan sa nagpadayon nga mga aftershock sa 6.9-magnitude nga linog.
Kini nunot sa kabalaka sa kaluwasan sa mga trabahante sa mga high-rise nga opisina nga magtrabaho og pang-gabii.
Sa resolusyon nga gisulat ni Konsehal Joel Garganera ug giaprobahan sa sayo ning semanaha, ang gobyerno sa siyudad nanawagan sa mga kompanya sa BPO nga palapadan ang flexibility ug compassion pinaagi sa pagtanyag og mga kahikayan sa pagtrabaho sa balay ngadto sa mga kwalipikado nga trabahante, labi na kadtong anaa sa mga taas nga building.
Basi sa iyang resolusyon nga daghang mga empleyado sa BPO ang nagpahayag og kahadlok sa ilang kaluwasan nga makaapekto sa ilang focus hinungdan nga gimugna kini sa konsehal.
Sa pakighinabi sa Bombo Newsteam kang Konsehal Garganera, gipaambit niini nga gipaabot na sa ilang Sangguniang Secretary ngadto sa mga BPO ang maong resolusyon.
Gidugang niini nga dili lang kini usa ka apelar apan labaw pa kini ug kinahanglan nalang nga dawaton nga padayon gihapon ang paglinog ug alang sa kaluwasan sa tanan kay sundon kini tungod nagtumong lamang kini sa kaayuhan sa mga Sugboanon.
