TOLEDO CITY, CEBU-Napalgang patay ang usa ka 18-anyos nga dalagita sa usa ka lodging house sa dakbayan sa Toledo sa kasadpang bahin sa probinsya sa Sugbo human kini gikatahong missing sa mga kabanay pipila ka adlaw nang milabay.
Giila ang biktima nga si Mae Fatima Tagactac, 18-anyos ug lumulupyo sa Barangay Mainggit dakbayan sa Toledo nga usa ka tinun-an sa Grade 12 sa Buanoy National High School.
Matod pa sa pamilya sa biktima nga nananghid si Mae nga magpractice uban iyang mga classmates para sa “performance activity” niini sa eskwelahan apan sa samang adlaw wala na kini nakauli pa.
Base sa inisyal nga imbistigasyon sa kapulisna sa dakbayan nga nakit-ang patay na ang biktima sa usa ka room sa usa ka lodging house nga aduna pay panapton nga nakahigot sa baba niini.
Aduna nay lead ang mga kapulisan sa posibling suspek sa krimen tungod sa kuha sa CCTV nga mao ang katapusang kuyog niini sa wala pa gikatahong na-missing ang biktima pipila ka adlaw na ang milabay.
