Gitangtang sa usa ka landlady sa Northern France ang mga pultahan ug bintana sa iyang mga tenants gumikan kay wala kini makabayad og abang.
Mao kini ang nahimong lakang sa landlady sa Pas-de-Calais diin supak sa ilang balaod nga gidili sa mga nasud sa Europe lakip ang France ang pagpahawa sa mga nag-abang sa balay panahon sa winter.
Kini bisan og dili sila makabayad sa abang sa takda nga panahon.
Apan, gipahawa niya ang iyang mga tenants pinaagi sa makalingaw nga pamaagi, diin dili verbal o gipugos sa pagpahawa.
Inay ang pagpadala og mga trabahador og dayon gipatangtang ang mga pultuhan og bintana sa tanang balay ug gikarga kini sa sakyanan og wala na mibalik.
Gisulayan og kontak sa mga nag-abang ang ilang landlady apan dili na nila makontak. Tungod sa katugnaw, ilaha na lamang gipangtabunan og mga card board ang parte sa balay nga gitangtangan og pultahan ug bintana.
