Nagpabiling ubos sa “state of calamity” ang tibuok dakbayan sa Sugbo tungod sa nasinating kakulian niini sa dagan sa panahon sumala pa ni Cebu City Mayor Nestor Archival Sr. atol sa convention niini sa Cebu City Disaster Risk Reduction and Management Council kagahapong adlawa sa Miyerkules, Agosto 20, 2025.
Ang panagtapok sa konseho kay nagtuki sa diskurso kabahin sa pag-review sa tanang inventory evacuation centers sa syudad, mga emergency supplies niini, rescue equipments ug uban pa aron sa pagsuta kung unsa ang gikinahanglan aron makaresponde sa higayong adunay katalagman muigo sa mga komunidad sa dakbayan.
Kinuyugan sa ubang mga ahensya sa gobyerno ang maong panagpulong aron mapabaskog sa kaandam sa syudad sa mga panghitabo.
Gitataw nga ang dili matag-an nga lakat sa panahon nga nasinati sa dakbayan pipila ka semana nang milabay ang nakapaaghat nga pabiling iisa ang state of calamity status.
Sa pagkakaron, nagkig-alayon na ang Kagamhanang Dakbayan sa Sugbo sa 80 ka barangay sa syudad ug mga partner agencies aron masiguro ang kaluwasan sa matag lumulupyo nga Sugbuanon.
