Giawhag sa buhatan sa Cebu City Transportation Office, ang publiko sa pag-ila sa motorcycle rider-content creator nga daw nag-exhibition sa kadalanan sa Dakbayan sa Sugbo sa panahon sa gabie.
Kini human mikatap kini sa social media gumikan sa pag-wheelie niini atoll sa pagdrive.
Matud ni CCTO HEAD Raquel Arce, wala pa silay igong impormasyon sa mismong mga indibidwal aron sa paghatag og pagtagad niini, apan mihangyo siya sa mga adunay impormasyon nga kumpletuhon ang mga detalye aron mapahamyangan ug igong aksiyon.
Gihimug-atan niini nga ang mismong act sa rider, risgo alang sa mga pedestrian ug mga motorista gumikan kay mamahimo gihapon kining makamugna ug aksidente taliwala sa kamingaw sa kadalanan.
Sa pikas bahain, Ang LTO-7 miingon nga ilang nailhan ang nagmaneho pinaagi sa dugang nga pagpaniid sa social media account ug mga detalye sa motorsiklo, ug sukad niadto nag-isyu na sila og show cause order ug nagpahamtang og 90 ka adlaw nga preventive suspension sa lisensya sa nagmaneho.
