Nagpakitabang ang kapin 100 ka mga sakop ubos sa Peace and Order Program nga mga Job Order employees, sa Cebu city Council pagkuwestiyon ngadto sa kagamhanan sa Dakbayan sa Sugbo sa kalangay sa ilang suholan nga matud pa wala pa mahatag niadto pang Nobyembre sa 2025.
Sa nakalabay nga privilege speech ni Cebu City Councilor Jun Alcover, iyang gibutyag nga kapin sa 100 ka mga trabahante ang wala pa makadawat sa ilang sweldo alang sa Nobyembre ug Disyembre sa miaging tuig, samtang ang uban wala pa ma-renew isip mga Job Order (J.O.) employees.
Iyang gipasiugda nga ang mismong panawagan dili lamang mahitungod sa mga trabahante mismo apan lakip na usab sa epekto niini sa ilang mga pamilya hilabi na sa pang-adlaw adlaw nga panginahanglanon.
Sigon niini, nga iya kining giisa sa konseho gumikan kay nangayo og tubag ang mga apektadong empleyado sa city hall hilabi na ang pagpahibalo sa mga sakop POP kung kamusta na ang estado sa ilang suholan ug kung kanus-a kini mahatag.
Gihimug-atan ni Alcover, nga nanawagan siya sa kagamhanan dili pag-akusar sa bisan kinsang mga opisina, apan pagklaro sa mismong isyu ug paghatag og solusyon sa kalangay sa suholan.
Dugang niini nga kung adunay kinahanglan nga isumiter nga mga dokumento ang mga apektadong personahe, mahinungdanon gayud nga sila mapahibalo aron dali kining masulosyunan.
