DAVAO CITY- Naalarma ang mga biyahedor ug bystanders sa Francisco Bangoy International Airport (Davao International Airport) dihang ilang namatikdan ang tulo ka police vehicles nga puno sa mga personnel nga nagdala sa Regional Mobile Force Battalion (RMFB) patch nga gipakatap sa entrada sa terminal, sayo sa buntag gahapon Marso 9, 2025.
Ang dili kasagaran nga presensya sa pulisya nakapukaw sa espekulasyon, uban sa pipila ka mga biyahero nga nag-link niini sa bag-ong mga taho nga wala pa mapamatud-an kabahin sa usa ka warrant of arrest sa International Criminal Court (ICC) batok ni kanhi Presidente Rodrigo Duterte.
Subay niini, hugot nga gibarugan sa Police Regional Office XI pinaagi sa kumpirmasyon sa tigpamaba sa maong ahensiya nga si Police Major Catherine Dela Rey nga walay angay nga ikabalaka ang katawhan uban sa pagkumpirma nga ang deployment sa pulisya bahin sa usa ka simulation exercise (SIMEX).
Kining Simulation Exercise, gipahigayon pinaagi sa pagpanguna sa Regional Mobile Force Battalion (RMFB) diin kanunay na matud pa kining ginapahigayon aron mahibal-an og unsa kaandam ang otoridad pag-abot sa emerhensiya,kagubot o katalagman.
Nasuta nga ang Regional Mobile Force Battalions (RMFB) ubos sa mando ni Police Regional Director Victor Rosete, kini sama nga yunit nga gipakatap sa Kingdom of Jesus Christ (KOJC) compound kaniadtong Setyembre 2024.
Gilimod sa kapulisan nga ang seguridad sa tugpahanan gipataas samtang si kanhi Presidente Duterte didto sa Hong Kong alang sa usa ka Thanksgiving rally kauban ang mga Overseas Filipino Workers (OFWs).
Ang maong pahayag gipagawas sa otoridad human adunay nanggawas nga hungihong nga ang presensiya matud pa sa otoridad sa Davao Airport nagpaabot sa pagbalik ni FPRRD gikan sa Hongkong alang sa ‘Pasasalamat kay FPRRD with OFWs event’ kauban si VP Sara Duterte aron kini dakpon labot sa pagpatuman sa war on drugs campaign nga gi-imbestigahan karon sa ICC.
Bisan pa, wala’y opisyal nga pahayag nga nagpamatuod sa ingon nga kalamboan.
Adunay gihugon-hugon nga ang warrant of arrest usa ka tinuyo nga sikolohikal nga operasyon nga gitumong sa pagsukod sa reaksyon sa publiko kung mahitabo ang maong lakang.
Kahinumdumang nga daan ng nagkanayon ang Marcos administration nga di matud pa mangilabot ang nasud sa pag-imbestiga sa ICC kang FPRRD.
Apan, sa nahimong pamahayag ni Presidential Communications Office (PCO) Secretary Jay Ruiz nga kabalo na matud pa sila sa warrant of arrest sa ICC alang kang FPRRD.
“We’ve heard that an arrest warrant has been issued by the International Criminal Court against former President Rodrigo Duterte for crimes against humanity. The government is prepared for any eventuality,” sigon ni Ruiz.
