Kasong korapsyon batok sa kanhi presidente sa FIFA. Blatter ug football star Platini, gibasura sa korte

Gibasura sa korte ang mga kaso sa korapsyon sa kanhi presidente sa FIFA nga si Sepp Blatter ug ang French footballer nga si Michel Platini.

Sa gipagawas nga appeals court sa Muttenz, Switzerland, nga nalimpyo ang ilang mga pangalan tungod sa mga alegasyon nga gibayran ni Blatter si Platini og kapin sa $2 milyon.

Ang duha sa sinugdan giabsuwelto sa mga kaso sa pagpanglimbong niadtong 2022, apan ang Swiss federal prosecutors kay miapelar.

Ingon man nga kusganong gihimakak sa duha ang mga pasangil batok kaniya.

Nagsugod ang kaso kaniadtong 2015 sa dihang naigo ang FIFA sa mga alegasyon sa korapsyon.

Tungod sa nasangpit nga panghitabo, napugos si Blatter sa pagluwat sa iyang katungdanan, nga mitapos sa plano ni Platini nga mopuli usab.