Gibutyag ni Department of Trade and Industry (DTI) Secretary Christina Roque nga daghang opisyal sa ilang attached agency nga Philippine Contractors Accreditation Board (PCAB), ang gipaabot nga mo-resign sa umaabot nga mga adlaw.
Kini nunot sa pag-resign sa executive director sa board nga si Herbert Matienzo ug laing duha ka miyembro.
Ang pagluwat sa mga opisyal sa PCAB nahitabo taliwala sa kontrobersiya sa giingong mga anomaliya sa mga proyekto sa gobyerno sa flood control.
Matod ni Sec. Roque, epektibo dayon ang ilang pagkataktak.
Gikatakdang ipahibalo sa kalihim ang bag-ong officer-in-charge sa PCAB uban sa laing duha.
Sa laing bahin, ang DTI misaad nga ipagawas ang tibuok listahan sa mga kompanya nga mawad-an sa ilang mga lisensya samtang nagpahigayon kini og komprehensibong imbestigasyon sa mga anomaliya may kalabotan sa accreditation sa mga kontraktor.
Sa pagkakaron, gibakwi na sa PCAB ang lisensya sa 9 ka construction firms nga gipanag-iya o kontrolado sa kontrobersyal nga contractor nga si Sarah Discaya.
