Giangkon sa World Health Organization (WHO) nga ang pag-uswag sa pagpangandam sa tibuok kalibutan batok sa pandemya nagpabilin nga huyang ug dili patas, labi na samtang ang pipila ka mga nasud nagpadayon sa pag-divert sa pondo ngadto sa depensa ug seguridad.
Unom ka tuig human sa pagdeklarar sa COVID-19 nga usa ka global health emergency, ang WHO miingon nga adunay mga lakang nga gihimo, sama sa 2025 Pandemic Agreement ug mga pagbag-o sa International Health Regulations.
Natukod usab ang Pandemic Fund, nga naghatag og kapin sa $1.2 bilyon para sa mga proyekto sa kapin sa 90 ka mga nasud, lakip ang pagpalig-on sa surveillance, mga laboratoryo, ug pagbansay sa mga trabahante.
Dugang pa, ang kapasidad sa genomic sequencing gipalapdan ug ang mga sentro para sa produksiyon sa bakuna ug biomanufacturing natukod aron masiguro ang patas nga pag-access sa medisina.
Bisan pa, gipasiugda ni WHO Director-General Dr. Tedros Ghebreyesus nga “ang panaghiusa mao ang labing maayo nga resistensya” ug nanawagan alang sa mas lig-on nga kooperasyon sa lebel sa kalibutan.
Bisan pa sa mga hagit nga nakat-unan gikan sa COVID-19, ang WHO nag-insister nga ang tinuod nga pagpangandam nanginahanglan og padayon nga pagbantay sa dili pa mosilaob ang sunod nga pandemya.
